25 қыркүйек. Митингідегі ұстау және наразылардың талабы
https://www.azattyq.org/a/kazakhstan-protest-25-september/30858055.html

Қазақстан билігі қуғындағы оппозиционер Мұхтар Әблязов шақырған митингіні өткізбеуге күш салды. Көшелереді жауып, алаңдарды қоршады және адамдарды наразылық болатын маңға жақындатпады. Кедергіге қарамастан Алматыда бірнеше адам талабын айтып үлгерді. Нұр-Сұлтан мен Ақтөбеде митинг өтетін жерге келгендер ұсталды.

25.09.2020 Комментарии Telegram

ҚДТ митингісі күні көше, алаң қоршалып, күзет күшейді
https://www.azattyq.org/a/30857980.html

Мұхтар Әблязов митингіге шақырған күні Қазақстан қалаларында күзет күшейді. Наразылық басталмай тұрып бірнеше белсенді ұсталды. Оппозициялық саясаткер билік әрекетін "қорқыныш" деп атады.

25.09.2020 Комментарии Telegram

Алматыда ҚДТ митингісі басталды, Нұр-Сұлтанда арнайы жасақ бірнеше адамды ұстап әкетті
https://www.azattyq.org/a/30857833.html

25 қыркүйекте кешке қарай Нұр-Сұлтанда оппозиция "митинг орны" ретінде белгілеген орында арнайы жасақ бірнеше адамды ұстап әкетті. Оқиға орнында жүрген Азаттық тілшілерінің хабарлауынша, белсенділерді "Жаннұр" сауда орталығы маңынан ұстаған. 


Оқиға орнынан жеткен видеолардан қара маска тағып, жүзін жасырған арнайы жасақ сарбаздарының газельден түсе салып, белсене пікір айтып жатқандарды тартқылап газельге сүйреп бара жатқаны көрінеді. Наразылардың бірі "Ұрылардың басқаруына қарсымын! Назарбаев кетсін! Шал кет!" деп айқайлайды. 


Алматыда митинг орны ретінде белгіленген Райымбек батыр ескерткішінің аумағы күндіз қоршалған еді. Жұма күні кешке сол маңға адамдар біртіндеп жиналып, пікірлерін айта бастады. Эмоцияға беріле сөйлеген әйелдердің бірі "өмір бойы жұмыс істедім, екінші топ мүгедегімін, бірақ ешқандай жеңілдік алмаймын, шалдар кетсін!" деп айқайлады. Кейбір тұрғындар жердің сатылмауын талап етіп, індет кезіндегі халықтың кедейленгенін айтып ашынды. 


Азаттық тілшілері ҚДТ митингілерінен тікелей эфирде хабар таратуға тырысқан, алайда жұма күні кешке қарай редакцияның тікелей эфирге шығуға мүмкіндік беретін Live U аппараты бұғатталды. 


Митинг өтеді деген күні Алматыда күндіз "Саяхат" маңындағы сауда орындары жабылып, түстен кейін Райымбек батыр маңы темір шарбақпен қоршалған еді. Полиция ары-бері өткен адамдарды тексеріп, кешке қарай ол жаққа тек ақпарат құралдары ғана өте алған. 


Нұр-Сұлтанда оппозиция "митинг орны" ретінде белгілеген "Жаннұр" сауда орталығының алдында жұма күні түстен кейін залалсыздандыру шаралары жүргізіле бастаған. Шымкентте күндіз белсенділер ұсталып, "наразылық орнында" интернет істемей қалған.



Бұған дейін қуғындағы бизнесмен, Ақорда оппоненті Мұхтар Әблязов жақтастарын 25 қыркүйекте билікке қарсы митингіге шығуға шақырған еді. Митингіде төмендегідей талаптар қойылмақ: заңсыз карантинді тоқтату, саяси тұтқындарды босату, Назарбаев режимін кетіру, несие амнистиясы.
Митинг қарсаңында Қазақстанның түрлі аймағында белсенділер жаппай ұсталып, әкімшілік жазаға тартылған. Құқық қорғаушылардың есебінше, соңғы үш күнде жүзден астам белсенді қамалып, айыппұл салынған.
Әблязов құрған “Қазақстанның демократиялық қозғалысын” билік “экстремистік ұйым” деп танып, сот шешімімен қызметіне тыйым салған. Ал Еуропарламент 2019 жылғы қарарында ҚДТ-ны бейбіт оппозициялық қозғалыс деп атаған.
Қазақстан заңнамасы бойынша жиын, шеру өткізгісі келетін тұрғындар жергілікті атқару органына ескерту жасауы немесе одан рұқсат сұрауы тиіс. Әкімдік рұқсат етпеген бейбіт шараға келгендерді әдетте полиция ұстайды. Құқық қорғаушылар бейбіт жиын туралы заңнаманың халықаралық стандартқа сәйкес келмейтінін айтып, өткір сынаған.


 

25.09.2020 Комментарии Telegram