Яна келди мудҳиш хабар,
Жигарим тўлдирди қон,
Узоқ-узоқ юртларда,
Фарзандлар бўлди қурбон.

Тирикчилик йўлида,
Ўлим топди йигитлар,
Энди қанча уйларда
Яна оналар йиғлар.

Барокатли ватаним,
Улар сенга ўгаймас,
Наҳотки, ризқларини,
Ўз юртида тополмас?

Қачон бу фалокатлар,
Топар экан ниҳоя,
Ҳақингни ҳожатига,
Бўлгин, юртим, кифоя.

Узоқ-узоқ юртларда,
Фарзандлар бўлди қурбон,
Қалблар ларзага келди...
Йиғларди, ҳатто, осмон.

Зафар Шоший
20/04/19

20.04.2019 Комментарии Telegram

​​Кореяда фирибгарликлар хақида

Ж.Корея дунёдаги энг хавфсиз давлатлардан бири хисобланади. Хавфсизлик кузатув камералари орқали хар бир кўчанинг бурчаги кузатилади. Тунги соатларда ҳам, бутун мамлакатнинг хохлаган жойида бехавотир юришингиз мумкин. Ўғирлик, талончилик тугул хатто йўл транспорти ходисаларини хам учратмаслигингиз мумкин бу ерда.

Полиция, ички хавфсизлик органлари анча замонавий ва жуда тезкор фаолият юритади. Лекин шундай бўлсада товламачилик, алдов, афералар учраб туради. Бугун шундай холатлар хақида.

Асосан товламачиликлар иш топиш ва хужжатлар билан боғлиқ ва кўпинча чет эл фуқаролари орасида юзага келади. Яъни бир бирини, ўз ватандошини алдаб кетиш холатлари кўпроқ. Бунга асосий сабаб, чет давлатига келиб танишлари бўлмаган инсонларнинг ўзининг ватандошига хаддан ортиқ ишонч билдириши бўлса керак.

Энг кўп товламачиликлар иш топиб берувчи ўртакаш агентлар орасида учрайди. Яъни ижтимоий тармоқлар, телеграм гурухлари ва фейсбукда кўп иш бўйича эълонлар берилади ва кўпинча иш жойига боришингиз, манзилни бериш эвазига ўз хизмат хаққини ($100дан $300гача) олдиндан талаб қилишади. Одатда бу жараён ўзаро учрашмаган холда, пул ўтказиш йўли билан амалга оширилади. Кейинчалик иш жойига бориб иш шароити билан танишилганда ваъда қилинган ойлик маош ёки иш умуман бошқача бўлиб чиқади. Агентдан эса пулни қайтариб олиш амри махол ёки воқеадан хабар топгач телефон рақамини ўзгартириб олади. Шу билан берган пулингизга чув тушиб ўтираверасиз.

Баъзида агентлар олдиндан хақ олмаслигини ёки умуман хизмати текин эканлини айтиб ишга жойлаштириб қўяди. Ойлик иш хақи олишга вақт келганда, корхона рахбарига барча ишчиларнинг ойлигини шахсан ўзи беришини айтиб, хамма пулларни олиб қочиб қолади ёки шунга ўхшаш холатлар.

Кейинги ўринларда, ишчи ва бошқа виза турларини олиб бериш, ўқишга олиб кириб қўйиш ва яна шунга ўхшаш хужжатлани тайёрлаб бериш билан боғлиқ товламачиликлар хисобланади.

Корейс фукаролари ўз ватандошларини алдамайди лекин хориж фуқаролари борасида бундай дейиш қийин. Шахсан ўзим бир неча бор ташкилот рахбарлари, иш берувчилар томонидан ойлиқ иш хақини турли бахоналар билан бермаган холатларга гувох бўлганман.

Бундай вазиятларда асло қаршилик қилиб ёки жахл устида бирор зарар етқазиб қўймаслигингиз керак, устингиздан ариза ёзиши, хатто иммиграция бўлимига тутиб бериши ҳам мумкин.

Товламачиликнинг турлари кўп, мен фақатгина ўзим гувохи бўлган холатлар хақида ёздим холос. Шу сабаб эхтиёткор бўлиш хеч қачон зиён қилмайди.

Бу холатларга асосан талаба ва нелегал фуқаролар дуч келади.

Асосий сабаблардан, талабалар ноқонуний ишлаганлиги, нелегаллар эса умуман Кореяда ноқонуний яшаётганлиги учун полиция ёки хуқуқни химоя қилувчи ўрганларга мурожат қила олмаслигида.

Шу сабабли иложи борича бегона ёки ижтимоий тармоқлар орқали топилган ишларга жуда эхтиёткорлик ва яхшилаб аниқлаштирган холда боришни маслахат бераман. Агентларнинг хар қандай хизмат хаққини банк хисоб рақамдан пул ўтказиш йўли билан амалга оширинг. Кейинчалик нақд берилган пулларни далил сифатида ишлата олмаслигингиз мумкин.

Нима бўлган тақдирда хам талабаларда ўз хуқуқини химоя қилиш учун имконият бор. Агар шундай товламачикилларга дуч келиб қолсангиз исталган худуддаги полиция махкамасига ёки Бандлик Марказлари(Нодонгбу)га мурожат қилишингиз мумкин.

Нодонгбу ва уларнинг филиаллари хақида ушбу иловадан батафсил маълумот олишингиз мумкин.

@mukhamedovblog

16.04.2019 Комментарии Telegram

Шахсий фотосуратини смартфонининг галвныйсига қўйиб юргувчиларга хайрли тонг😄

14.04.2019 Комментарии Telegram

​​Ж.Кореяда иш топиш ҳақида(давоми)

Чет элга ўқишга кетган талабаларга асосан 2 хил савол берилади:

Аввало ўқишга қандай қилиб бориш, қандай хужжатлар зарурлиги, шу борада ёрдам бера оладиган танишлари хақида бўлса,
иккинчиси албатта қандай қилиб иш топиш мумкинлиги, яхши иш бор ёки йўқлиги, иш топиш осон ёки қийинлиги бўлса керак.

Кўпчиликнинг онгида шундай фикр шаклланган, чет элга кеттими демак албатта яхши пул топади.

Тўғриси ҳам шундай, Кореяда хам талабаларга иш топиш, ўзининг эхтиёжларидан орттириб ота-онасига хам ёрдам бериш имконияти бор.

Кореяда менга маълум иш топиш йўллари хақида батафсилроқ ёзиб ўтсам.

-Инрёк самушил. Тўғриси мен хам бундай офислар хақида бу ерга келиб билганман. Бу офислар худдики бир марталик иш топиб берувчи мехнат биржаси вазифасини бажаради. Яъни, бирор бир юмуш учун ёрдамчи зарур бўлганда корхона, ташкилот, баъзан оддий фуқаролар шу офисларга телефон орқали ёки шахсан ўзи келиб ёрдам сўрайди. Хамда Инрек самушилнинг "менеджери"(саджан ёки сомон) айнан шу куни офисга иш сўраб келган шахслар орасидан танлаб шу ишга жўнатади.

Танлов кетма-кетлиги қуйидагича:
-аввало ўзига таниш бўлган, кўпинча шу ерда бир марталик ишларда ишлайдиган шахсларни;
-корейс фуқароларини;
-корейс тилини яхши биладиган; хориж фуқароларини;
-офисга бошқаларга нисбатан эртароқ келганларни;
-энг сўнггида бошқа келганларни.

Ишлар кўпайиб кетса, офисга келган барча иш билан таъминланади. Акси бўлса фақат удаббурон ва омади келганларгина.

Инрёк самушилнинг хизмат хаққи ўртача 10%. Ишни тугатиб, қайтиб келиб пулни яна шу офисдан олиб кетаверишади.

Бундай иш топиш тури талабалар учун айни муддао. Халқ тилида яна арбайт самушил деб ҳам аталади. Арбайт хақида бу ерда ёзиб ўтган эдим. Иш топишнинг бу турида асосан жисмоний меҳнат билан боғлиқ ишлар бўлади.

-Ижтимоий тармоқлардаги гурухлардан. Асосан телеграм ва фейсбукдаги гурухлар ва каналларда турли хил вакансиялар, эълонлар бериб борилади. Эълонларнинг кўпчилиги ишчи виза талаб этилади. Шундай бўлсада талабалар учун ҳам вакансиялар топиш мумкин.

-Корея иш вакансиялари веб сайтлари, мобил иловалари ва гезеталар. Энг оммабоп ва машхур веб сайтлардан www.albamon.com ва мобил иловаси хамда saramin.co.kr хисобланади. Жуда кўп иш турларини топиш имкони бор, фақат корейс тилини камида ўрта даражада билиш лозим бўлади.

Кореяда иш топиш нисбатан осон, иш вақти, тури ва қийин, енгиллигига қараб ойлик иш хаққи ҳам турлича бўлади. Хозирда Ж.Кореяда энг кам ойлик иш хаққи соатига 8350 вон/$7.33 ни ташкил қилади.

@mukhamedovblog

12.04.2019 Комментарии Telegram

Кундуз куни транспорт воситалари чироқларни ёқиб ҳаракатланиши шартлиги белгиланди

Йўл ҳаракати қоидаларига ўзгартириш киритиш тўғрисидаги
Ҳукумат қарори (292-сон, 09.04.2019 й.) қабул қилинди. Бу ҳақида Адлия вазирлигининг @huquqiyaxborot канали хабар бермоқда.

Ўзгартиришларга мувофиқ:
👉 светофорнинг тақиқловчи ишорасида тўхташ чизиғи олдида тўхтаганда транспорт воситасининг энг олдинги нуқтаси тўхташ чизиғи устига чиқиб кетмаслиги керак;
👉 Тошкент шаҳар ва вилоят ҳокимлари айрим йўл участкаларида ҳаракат тезлигини (тегишли йўл белгиларини ўрнатиш) пасайтиришга ваколатли;
👉 аҳоли пунктларида иккита ҳаракат бўлаги бўлган ва ўртада трамвай изи бўлмаган бир томонлама ҳаракатли йўлларда тўхташга рухсат этилади;
👉 айланма ҳаракат чорраҳасида ҳаракатланаётган транспорт воситаси айланага кириб келаётган транспорт воситаларига нисбатан устунликка эга;
👉 куннинг ёруғ вақтида барча автомототранспорт воситалари яқинни ёритувчи чироқларни ёки кундузги чироқларни ёқиб ҳаракатланиши шарт;
👉 қурилиш материаллари, қишлоқ хўжалиги маҳсулотлари, озиқ овқат ва шу каби тўкилувчи товарларини ташишда юк мажбурий тартибда брезент ёки бошқа қалин материал ёпилган бўлиши керак;
👉 велосипед ва мопед ҳайдашда рулни ушламасдан ёки бир қўлда ушлаб ҳаракатланиш тақиқланади.

Бундан ташқари ўзгартиришлар билан 28 та янги йўл белгилари киритилди.

Қизил чироқда ўнгга ҳаракатланиш, радар, пиёда ва велосипедчилар учун ташкил этилган йўлак каби белгилар шулар жумласидандир.

Ўзгартиришлар ҳақида қўшимча маълумот берилади.

👉 @xushnudbek 👈

10.04.2019 Комментарии Telegram

​​Кетиш керак, суриш керак.

Айни кунларда ҳамма шу, «кетаман», «кетиш керак», «суриш керак» дейиш билан банд.

Қанийди барчаси ўз қўлингда бўлса-ю, ола хуржунни қўлтиқлаб бошинг оққан томонга қараб кетсанг.
Узооқ ўйлайсан, мияда минг ҳаёл, ичингда эса фақат бир садо янграйди «кетиш керак», «суриш керак». Ақл бовар қилмас режалар тузиб, керакли матохларни жомадонга жойлаб энди кетишга шайланганинг маҳал ўйлаб қоласан:

Ота-она, ака-ука, опа-сингил, қон-қариндош, ёр-у биродар ҳамма-ҳаммаси шу ерда бўлса, уларни ташлаб қаёққа кетаман? Уларсиз шароит ҳозиргидан миллион баробар зўр, осмони икки чандон мусаффо бўлган юртларга кетиб ҳузур топармидим?, роҳат кўрармидим?
Йўқ албатта, йўқ.
Жомадонни бир четга суриб, ҳовли четидаги сўрига (Тошкентда тапчан дейишади) ёзилган кўрпача устига ўтириб ўзингга ўзинг саволлар беришда давом этасан:

Кетиб нимага эришмоқчиман ўзи?
Мен-ку кетарман, ўзга юртда ўз ўрнимни, бахтимни ҳам топарман, лекин қолганларчи, қолганлар? Улар нима қилишади? Дардларини кимга айтишади? Юртдаги зиёли қатлам, замоннинг олд кишилар кетиб қолаверса халқни ким ўйлайди? Авом яна ўша азалий муаммолардан азият чекиб қишда газ-светсиз, баҳор-кузда лой кечиб, фақатгина қорин тўярга пул топиб яшаб ўтишадими? Халқим хаётини мен яхшиламасам бошқа ким яхшилайди? америкаликми? ё хитойликми? балки россияликдир?

Қадрли акалар, опалар илтимос ҳеч бўлмаганда сиз «кетиш керак», «суриш керак» деманг. Эртанги ёруғ кунларга бўлган ишонч сўнишига замин яратманг. Кичик томчи катта ҳарсангтошни бўлакларга бўлиб юборишга қодир, унинг томчилаши даврий бўлса бас.

Умидни сўндирмайлик.

22.10.2018, 20:45
@upscale

09.04.2019 Комментарии Telegram

​​⚡️Шоу продолжается!

Внеочередные выборы президента Казахстана состоятся 9 июня 2019 года, передает Tenginews.kz. Об этом в эфире республиканских телеканалов объявил действующий Глава государства Касым-Жомарт Токаев. 

На бегу

09.04.2019 Комментарии Telegram

​​Чет элга борсам, қандай қилиб яшайман?

Бу чет мамлакатларига ўкишга кетаётган хар бир талаба хаёлидан ўтқазадиган саволлардан бири бўлса керак. Авиачиптангиздаги сана яқинлашган сари, ички қўрқув, турли хил туйғулар ва тушунарсиз хаяжон ортиб боради.

Бугун чел элда таълим олишнинг ижобий ва салбий томонлари хақида ёзиб ўтсам.

Аввало ижобий томонлар.

Ўйлашимча энг ютуқ тарафи - бу мустақил бўлишингиз. Келажак хаётда юзага келган хар бир муаммони ечимини топиш кўп холларда ўзингизнинг қўлингизда бўлади. Ҳох у, ўқув семестри учун тўлашингиз лозим бўлган $2000 тўлов контракт пулими ёки бугун пишириб ейишингиз лозим бўлган кечки овқатми, фарқи йўқ, бу муаммо сизники, ўзингиз ечимини топишингиз керак. Бу ерга келиб, Ўзбекистондаги ота-онасидан пул сўраган талабаларни учратиш қийин.(Балки мен танимасман)

Шу билан бирга бу сизнинг иродангизни мустахкамлайди, оқ-қорани ажратишда, келажакда ўз эркин фикр доирасига, кенг дунёқарашига эга шахс сифатида вояга етишингизда ёрдам беради.

Яна бир афзаллик томонларидан бири - тил ўрганишда хеч қайси ўқув курси, таълим муассасаси бера олмайдиган имкониятлар, шароитларнинг борлиги.

Университетда ўзингиз танлаган соха бўйича билим олиш билан биргаликда, нафақат шу давлат тилини балки яна бошқа халқлар тили ва маданиятини ҳам ўрганиш имконияти бор. Масалан бизнинг курсимизда корейслардан ташқари монгол, хитой, гаана(Африка), индонезия, филлипин, тайланд, япон хатто европа ва америка талабалари ўқийди. Бу еса хорижий тиллар борасида тажрибангизни янада оширади. Хориж талабаларининг менга ёқадиган бир жихати, ўзига ёқиб қолган курсдош ёки танишини ватанига таклиф қилиб, ота-онаси ва дўстлари билан таништиришга харакат қилади. Балқи бу ҳам улардаги сизнинг тил ва маданиятингизни ўрганишга қизиқиш бўлса керак.

Кўп чет тилларини билишингиз, ўқишни битириб Ўзбекистонга қайтгандан сўнг ўзингизга муносиб иш топишда катта ёрдам беради.

Барча ижобий томонларни санаб ўтиш жуда кўп вақт талаб этади, хуллас чет элдаги таълим сизга, келажак хаётингизни қуришда мустахкам асос, хақиқий хаётий тажриба, иқтисодий мустақил бўлишни ўргатади. Агар имкониятингиз бўлса албатта ўқинг, изланинг, тажриба орттиринг. Мақсадларни катта қўйинг. Мен буларни тушуниб етишим учун кўп вақт сарфладим, сизда имконият нисбатан кўпроқ. Фақат албатта ўқишни битириб, Ўзбекистонга қайтиш шарти билан. Ватан соғинчини мусофирчиликда хақиқатдан хис қила оласиз.

Шунинг учун қўрқувни енгиб олға қадам ташлайверинг, бу борада хеч иккиланманг аммо эхтиёткорликни эсдан чиқармаган холда. Салбий томонлар хақида ҳар доимгидек кейинги постларда.

п.с.:Буларнинг барчаси менинг шахсий фикрларим, ўз дунё қарашим, яшаш шароитимдан келиб чиқиб ёзаман. Балки бошқаларнинг фикри ёзилганларга мос келмаслиги мумкинлигини эслатиб кўймоқчиман холос.

@mukhamedovblog

07.04.2019 Комментарии Telegram

Халқ учун "меҳрибонлик"

Яна ўша прописка балоси ҳақида.

Кеча "Давлат божи ставкаларининг 4-бандига ўзгартиришлар ва қўшимча киритиш тўғрисида"ги Вазирлар Маҳкамаси қарори лойиҳаси эълон қилинди. Лойиҳа муаллифи Адлия вазирлиги экан.

Унга кўра, мана бундай ўзгаришлар таклиф қилинмоқда:

1) Чет элликларга прописка олиш ҳуқуқини берадиган янги уйларнинг минимал нархи оширилди. Илгари камида 600 млн сўмлик уй олиш керак эди. Таклиф қилинаётган ўзгаришга кўра, энг кам ойлик иш ҳақининг 3300 бараваридан кам бўлмаган миқдор белгиланмоқда. Бу ҳозирги кунда салкам 670 млн сўм бўлади. ЭКИҲ ошса, бу ҳам ошади.

Бунисига майли, чидаймиз. гап чет элликлар ҳақида кетмоқдаку ҳар ҳолда.

Лекин лойиҳадаги кейинги таклиф бевосита ЎЗБЕКИСТОН ФУҚАРОЛАРИ учун тааллуқли. Аниқроғи ЎЗБЕКИСТОН ФУҚАРОЛАРИГА ЯНАДА ҚИЙИНРОҚ, ЯНАДА ОҒИРРОҚ ШАРТЛАР ҳақида гап кетяпти.

Лойиҳага кўра, Тошкент шаҳри ва Тошкент вилоятида янги қурилган кўчмас мол-мулк 2 ёки ундан ортиқ шахс томонидан умумий мулк ҳуқуқи асосида сотиб олинган тақдирда, уларнинг ҳар бири белгиланган ставкада давлат божи тўлаши таклиф қилинмоқда. Белгиланган ставка эса уй нархининг 5 фоизи.

Масалан, 5 киши қўшилиб, 500 млн сўмлик уй сотиб олса, бундай ҳолатда уларнинг ҲАР БИРИ 25 млн сўмдан давлат божи тўлайди, яъни бундай вазиятда Тошкент пропискасининг нархи 125 млн сўмга тўғри келяпти. Агар худди шунақа уйни «Тошкент Республикаси фуқаролари» сотиб олса, атиги 202 минг 730 сўм давлат божи тўлайди. Бошқача айтганда давлат олдида Ўзбекистоннинг 5 нафар фуқароси бошқа 5 нафар фуқаросидан 600 бараварга қадрсизроқ.

Хуллас, бу лойиҳа мен бироз аввал эълон қилган "Прописка бўйича лайфхак" деган мақоламдан келиб чиқиб қилингани аниқ.

Тепадагилар мундооооқ қарашса, халққа енгил бўлиб кетяпти. «Нимага 3-4 киши пул қўшиб, уй сотиб олиб, осонгина прописка олиши керак?» деган саволни беришган. Ва бунга жавоб сифатида ушбу лойиҳани ишлаб чиқишган, менимча.

Лекин уларнинг бирортаси «Нимага Ўзбекистон ФУҚАРОСИ ўз юртида пропискани "сотиб олиши" керак?» деган саволни ўйлаб кўрдимикин, қизиқ?

Улар «Нимага Россия, Украина ва бошқа давлатларнинг Конституциявий судлари аллақачон Конституцияга зид дея қарор чиқариб, бекор қилган антиконституциявий қоида бизда ҳалиям амалда?» деган саволни ўзига бериб кўрса бўлмасмикин?

Улар «Нимага ПФ-5308-сонли Президент фармони билан 2018 йилги давлат дастурида пропискаси йўқ фуқаролар ҳам иккиламчи бозордан уй сотиб олишига рухсат берилиши белгиланган бўлсада, лекин биз бу Фармонни ҳалигача бажармадик, нима учун Президент Фармони фақат қоғозларда қолиб кетаверди?» деган саволни ўртага ташлашса бўлмасмикин?

Уларнинг бирортаси «Нима учун бир хил паспортга эга, бир хил солиқ тўлайдиган Ўзбекистон фуқаролари фақат пропискаси туфайли бир-биридан бир неча юз бараварга қадрсизроқ?» деган саволни хаёлига келтирармикин?

Йўқ, бунақа саволлар берилмайди. Ундан кўра «Халқ осонгина прописка олмаслиги учун нима қилсак бўлади? Қонун ҳужжатларидаги "форточкалар"ни ёпиш учун нима қилиш керак?» деган саволлар улар учун муҳимроқ.

Бундан бошқа яна нима ҳам дердим. Агар шу лойиҳа ҳақиқатда тасдиқланса, унда шу пайтгача "ислоҳотлар фақат халқ манфаати учун" деган шиорларнинг барчаси бир тийин бўлади, чиппакка чиқади.


👉 @xushnudbek 👈

02.04.2019 Комментарии Telegram